FK Zeta rutinski protiv Starog Aerodroma

Danas je odigrano 14. kolo Udruženja klubova - Centar, a na ,,Trešnjici'' su snage odmjerili domaća ekipa Zete i ekipa Starog Aerodoroma.

Od samog početka je Zeta preuzela kontrolu i stvarala opasnosti po gol gostiju. Jednu takvu akciju, koja je počela s boka, nakon centaršuta je u gol pretvorio Ilija Puletić, a igrao se 21. minut.

U nastavku Zeta konkretnija, više je željela pobjedu, pa je tako u drugom poluvremenu, na centaršut iz kornera strijelca prvog gola Puletića, sjajno reagovao Tomić i povisio na 2:0.

Rutinski je ekipa Zete do kraja privela susret, a u posljednjoj fazi meča, Bečić je ,,zakucao'' gostujuću ekipu trećim golom i tako postavio konačan rezultat.

Zeta se nalazi na 3. mjestu, dok je dva voda dijeli od druge, a tri boda od prve pozicije na tabeli.